اسلام آباد (نیوز رپورٹر)صدر مملکت آصف علی زرداری کی طبیعت اب بہتر ہے مگر گڑھی خدابخش جلسے میں شرکت کا امکان نہیں۔آصف علی زرداری کے ذاتی معالج ڈاکٹرعاصم حسین کا کہنا ہے کہ صدر مملکت کی طبعیت اب بہتر ہے۔
آصف علی زرداری کے مختلف ٹیسٹ کئے گئے ہیں۔ ماہرین کی ایک ٹیم ان کی دیکھ بھال کررہی ہے۔یاد رہے کہ آصف زرداری کی ذاتی معالج ڈاکٹرعاصم حسین کا گزشتہ روز ڈاکٹر عاصم نے آصف زرداری کےکورونا میں مبتلا ہونے کی تصدیق کی تھی۔ڈاکٹر عاصم حسین نے صدر مملکت آصف زداری کی طبعیت سے متعلق آگاہ کرتے ہوئے بتایا کہ وہ کورونا میں مبتلا ہیں اور انہیں اس وقت آئیسولیشن میں رہنے کا مشورہ دیا گیا ہے۔
ذرائع کے مطابق صدرآصف علی زرداری کی4اپریل جلسے میں شرکت کا امکان نہیں، 4 اپریل کو پیپلزپارٹی کے تحت گڑھی خدابخش میں جلسہ عام شیڈول ہے۔واضح رہے کہ صدر مملکت کو پیر کی رات اسپتال منتقل کیا گیا تھا اور وہ کراچی میں کلفٹن کے نجی اسپتال میں زیر علاج ہیں۔دوسری جانب صوبائی وزیر سندھ شرجیل میمن نے صدرمملکت کے علاج کیلئے دبئی منتقلی کی خبروں کو بے بنیاد قرار دیا ہے۔اپنے بیان میں شرجیل میمن کا کہنا تھا کہ صدر زرداری کی صحت بہتر ہو رہی ہے اور انکی علاج کیلئے دبئی منتقلی کی خبریں بے بنیاد ہیں۔ ان کا مزید کہنا تھا کہ انشا اللہ آصف زرداری بہت جلد ٹھیک ہوجائیں گے۔
