لاہور(نمائندہ خصوصی )کورونا وائرس نے پنجاب کی جیلوں میں بھی ڈیرے ڈال لیے۔ پنجاب 4 جیلوں میں کورونا کے 89 قیدیوں میں کورونا وائرس کی تصدیق ہوگئی ،،،قیدیوں کو اسپتالوں قائم آئسولیشن وارڈ میں منتقل کردیا گیا
کورونا وائرس پنجاب کی جیلوں میں بھی پنجے گاڑنے لگا،،،،پنجاب کی چار جیلوں میں قیدیوں سے کورونا وائرس پھیلنے لگا ،،،،ابتک چار جیلوں سے 89 کیسز سامنے آگئے۔۔۔ کیمپ جیل لاہور میں59، سیالکوٹ 14،گوجرانوالہ7 اورڈی جی خان میں9 قیدیوں کی رپورٹ مثبت آئی ہے۔
کیمپ جیل لاہور میں مجموعی طور پر 527 قیدیوں کے ٹیسٹ کرائے گئے،،،ابتک 438 قیدیوں کی رپورٹ موصول ہوئیں 59 قیدیوں کی رپورٹ مثبت آئی جبکہ 379 کی کورونا رپورٹس منفی آئی ہیں جبکہ 89 قیدیوں کی کورونا ٹیسٹ کی رپورٹ آنا ابھی باقی ہیں۔
کورونا وائرس کے زیادہ کیسز سامنے آنے پر کیمپ جیل سے مجموعی طور پر 1500 قیدیوں کو دوسری جیلوں میں منتقل کیا گیا800 قیدیوں کو حافظ آباد جیل جبکہ 700 قیدیوں کولودھراں جیل منتقل کردیا گیا کیمپ جیل میں اکیس مارچ کو پہلے قیدی میں کورونا وائرس کی تصدیق ہوئی تھی۔۔متاثرہ قیدی اٹلی سے لاہور آیا اور منشیات کے مقدمے میں گرفتارہوا تھا۔
