کراچی (نمائندہ خصوصی) جماعت اسلامی نے میئر انتخابات میں دھاندلی سے متعلق چیف الیکشن کمشنر کو خط لکھ دیا ، خط میں کہا گیا کہ سندھ حکومت نے پی ٹی آئی کے 29ارکان کو اغواءکرکے ووٹ ڈالنے سے روک دیا ، الیکشن کمیشن اس فراڈ عمل کو کالعدم قرار دے اور نیا شیڈول جاری کرے ۔
الیکشن کمیشن کا بنیادی مقصد صاف وشفاف الیکشن کرانا ہے ، الیکشن کمیشن صاف وشفاف انتخابات کرنے میں مکمل طور پر ناکام ہوگیا ، سندھ حکومت کے غیر آئینی وغیر جمہوری اقدامات سے آگاہ کرتے رہے ، الیکشن کمیشن ہمیشہ کی طرح خاموش تماشائی بنا رہا ، میئر کے انتخابات کے موقع پر بال کے دروازے بند کردیئے گئے ، 29 پی ٹی آئی ممبران کو گھروں سے اغواءکرکے روک دیا گیا ۔
حاضری مکمل ہونے کے بعد انتخابات کا عمل شروع کیا جاتا بدقسمتی سے ایسا نہیں ہوسکا ۔ الیکشن کمیشن نے اپنا کردار ادا نہیں کیا تبدیل کیا گیا ، یہ حقیقی مینڈیٹ کیساتھ دھوکا اور جبری قبضہ ہے ، مینڈیٹ پر قبضے کے نتائج شہراور ملک کے حق میں بہتری نہیں ہوں گے ۔